A materia Matemática das operacións financeiras introduce ao alumnado na lóxica da valoración financeira, indispensable para a toma de decisións e a correcta interpretación da información no ámbito das finanzas e a contabilidade.
Baixo o principio básico do valor do diñeiro no tempo, o estudantado coñece, comprende e aplica a metodoloxía matemática-financeira á análise e á avaliación das operacións financeiras máis frecuentemente contratadas nos mercados, prestándolle especial atención ao cálculo de custos e de rendementos reais.