A lingua da materia é o inglés. As probas, informes e exames serán en inglés. Os alumnos poden optar por evaluación continua ou por un exame final 1.- As probas de avaliación continua permiten ao alumno obter unha cualificación final baseada unicamente na súa traxectoria ao longo do curso, e consisten en: 1.1. Catro probas de resposta curta, cun 10% da nota total cada unha, sumando un 40%. 1.2. Probas de observación sistémica nas prácticas de laboratorio e informáticas, que suman un 35% 1.3. Avaliación dos traballos tutelados (15%) 1.4. Presentación dos traballos (7%) 1.5. Traballo autónomo (3%) As tarefas de avaliación continua non son recuperables, e só son válidas para o curso actual. Un alumno suponse que optou por avaliación continua cando se presentou a dúas das probas de resposta curta. Un alumno que opta pola avaliación continua considérase que se presentou á materia, independentemente de que se presente ou non ao exame final. Se un alumno, presentándose a avaliación continua, opta por presentarse ao exame final, a nota final da materia será a media de ambas.
2.- O exame final consta de 10 preguntas. Pode realizarse dúas veces por ano académico. Os lugares e datas publícanse na páxina web da Escola. Pode preguntarse calquera contido explicado en clases de aula, laboratorio ou presentacións de proxectos. Código ético Os exames e os tests deben ser realizados individualmente. Calquera infracción se considerará como unha falta de ética importante e será comunicada ás autoridades académicas. Os profesores poderán decidir suspender a un alumno se comete unha falta ética importante. |