OUTRAS VÍAS: En caso de ausencia forzosa do docente, as tarefas e contidos poderán ser abordados por vía telemática.
AVALIACIÓN: A avaliación da aprendizaxe do alumnado exponse de forma continua e servirá para regular e supervisar tanto o ritmo
de traballo, como para permitir ao alumnado coñecer o seu grao de adquisición de coñecementos. Para poder optar á avaliación continua é necesario realizar a exposición, entregar o traballo e realizar a proba final.
O uso de tradutores automáticos está totalmente prohibido. A súa utilización nos traballos suporá a perda do dereito á avaliación continua, e o paso directo á segunda convocatoria.
A cualificación final de cada estudante será o resultado dunha cantidade suficiente de de notas ponderadas obtidas ao longo do
curso. Valorarase positivamente a asistencia e a participación nas actividades de clase, a realización de exercicios prácticos, e a
preparación e entrega de traballos.
Os traballos só poderán ser entregados en forma e data indicados.
Os 60 puntos dedicados á proba de avaliación final do mes de maio distribúense da seguinte maneira: 45 para a proba escrita e 15 para a proba oral. Para poder sumar todas as puntuacións obtidas durante o curso, é necesario obter na parte escrita do exame de final de cuadrimestre unha cualificación mínima de 22 sobre os 45 outorgados a esta parte.
En canto á proba oral, que se valorará cos 15 puntos restantes, por razóns de organización e distribución do tempo no día do exame oficial, esta parte oral poderá ser realizada noutras
datas acordadas entre o docente e os estudantes. A proba consistirá nunha conversación sobre unha película determinada, un conto ou un tema proposto polo docente. Devandito material porase a disposición do alumno ao comezo do curso.
En relación á segunda convocatoria, os estudantes disporán da puntuación total para a realización de dúas probas, unha escrita, onde se avaliarán coñecementos da lingua mas diferentes destrezas (75%) e outra oral (25%), na que se tratarán algún dos temas propostos no parágrafo anterior. Para poder superar a materia é necesario obter polo menos 37 puntos na parte escrita, dos 75 e 12 dos 25 da proba oral.
|