Guia docente 2015_16 Facultade de Ciencias da Educación e do Deporte

Aprendizaxe da lingua estranxeira: Inglés

Avaliación

	Descrición	Cualificación	Resultados de Formación e Aprendizaxe
Presentacións/exposicións	Ao longo do curso o alumnado, en grupos, deberá presentar oralmente 1 traballo. O traballo consistirá na elaboración dunha unidade didáctica coa metodoloxía e as actividades que consideren relevantes para a aprendizaxe do inglés. Ademais de presentar oralmente o traballo os estudantes deberán representar a súa unidade didáctica, turnándose nas funcións de profesor todos os membros do grupo (20 puntos). Ao mesmo tempo deberase entregar por escrito (tanto en formato papel como en formato electrónico), unha copia do devandito traballo na data indicada (40 puntos). Os grupos escollerán o ciclo e o curso para o cal elaborarán a programación. A data de entrega dos traballos pactarase ao principio do curso e non se admitirán traballos fóra de data. A utilización de tradutores automáticos está totalmente prohibida.	60	A4 A5	B2 B3 B4 B5 B7 B9 B11 B12	C42 C43 C51 C53 C61	D1 D2 D3 D4 D5 D6 D7 D8 D9 D10 D11 D12 D15 D17 D19 D20 D21 D22
Outras	Ao longo do curso recolleranse unha serie de tarefas que serán avaliadas para a nota final (25 puntos). En horario pactado co alumnado realizarase un exame oral relacionado co expresado no epígrafe 4. (as actividades comunicativas: interacción oral, expresión oral e comprensión oral) (15 puntos).	40	A3 A4	B2 B4 B7	C42 C43 C51	D1 D2 D3 D4 D5 D7 D8 D9 D11 D12 D13 D15 D16 D17 D19 D20

Outros comentarios sobre a Avaliación
LINGUAS DE TRABALLO: As linguas de traballo da materia serán o inglés, o castelán e o galego. O profesor comunicarase co alumnado en inglés. O alumnado poderá utilizar calquera do tres linguas menos nas tarefas, tanto orais como escritas e no exame nos que a lingua requirida é o inglés. OUTRAS VÍAS: En caso de ausencia xustificada do profesor, este poderá propor actividades alternativas en liña. ACTIVIDADES OBRIGATORIAS: Os alumnos deberán ler os libros de lectura obrigatoria e ver a película que se recomendará a principio de curso. O material será posto a disposición na plataforma FAITIC. Os temas abordados nestas historias poderán ser utilizados no exame oral. AVALIACIÓN: A avaliación da materia será continua. Os traballos, exposicións, tarefas, etc, deberán ser realizados nas correspondentes. O incumprimento de estes requisitos suporá a cancelación deste tipo de avaliación. Do mesmo xeito o uso de tradutores automáticos para a realización dos traballos suporá a inmediata exclusión do grupo da avaliación continua, debendo presentar á avaliación da segunda convocatoria. Os estudantes que decidan non seguir a avaliación continua deberán tomar a decisión durante o mes de setembro e comunicarllo ao profesor. No seu lugar poderán realizar un exame nas datas propostas polo centro, que constará de dous partes: parte escrita (75%) e parte oral (25%). A proba escrita centrarase no punto 4 dos contidos, onde se deberán aplicar e desenvolver os contidos dos demais puntos da materia.O alumnado que concorra á segunda convocatoria deberá realizar dúas probas. Unha escrita (75%) cun exercicio práctico e outra oral (25%). A proba escrita centrarase no punto 4 dos contidos, onde se deberán aplicar a un caso práctico dos demais puntos da materia.