A avaliación continua considerarase cando o estudante asista a máis do 80% das clases prácticas e presente o(s) proxecto(s)/traballo(s) proposto(s).

En todo caso, tanto para os que non superen a avaliación continua coma para os que non seguen este sistema de avaliación, tanto na convocatoria de xuño coma na de xullo haberá un exame final da materia que constará de dúas partes. Un exame sobre a parte teórica que ponderará un 75% da nota e un exame práctico que valerá o 25% da nota. Neste caso tamén será necesaria unha puntuación mínima de 5 puntos (sobre 10) tanto en teoría coma en práctica para poder facer a media.

Naqueles casos que o alumno decidise ir por avaliación continua e non superase a materia na súa totalidade, pero si algunha parte, gardarase a nota obtida durante o curso da parte que superase (teórica ou práctica), e só presentarase en xuño ao exame coa parte que ten suspensa. Igualmente manteranse as partes aprobadas para o exame de Xullo.

Para sucesivas convocatorias de cursos académicos posteriores non se gardarán as partes aprobadas.

As diferencias no método de avaliación que utilizan os centros da Facultade de Ciencias Económicas e Empresariais de Vigo e a Facultade de Ciencias Empresariais e Turismo de Ourense obedecen á necesaria adaptación dos idénticos resultados de aprendizaxe propostos e competencias á diferente organización de clases docentes empregada por ambos os dous centros.