Lémbrase a todo o alumnado a prohibición do uso de dispositivos móbiles en exercicios, prácticas e probas, en cumprimento do artigo 13.2.d) do Estatuto do Estudante Universitario, relativo aos deberes do estudantado universitario, que establece o deber de "Abstenerse de la utilización o la cooperación en procedimientos fraudulentos en las pruebas de evaluación, en los trabajos que se realicen o en documentos oficiales de la universidad".

A materia divídese en dous partes: teoría e práctica.

A nota final obtense aplicando a seguinte fórmula:

nota teoría x 20% + nota práctica x 80%

sendo necesario, para poder aplicar esta fórmula, obter unha cualificación mínima dun 4 en cada unha das partes. Para superar a materia o alumno debe obter como nota final unha calificación igual ou superior a 5.

A parte teórica evaluase mediante un cuestionario tipo test ao finalizar cada tema (cada cuestionario de cada un do cinco temas ten un peso do 2%) e un cuestionario tipo test, que engloba todos os contidos teóricos (cun peso do 10%).

A parte práctica divídese en seis bloques:

1. Bases de datos xurídicas (15%)
2. Ofimática en liña: documentos de texto (15%)
3. Ofimática en liña: follas de cálculo (15%)
4. Blogues (15%)
5. Ofimática en liña: presentacións e formularios (10%)
6. Ferramentas colaborativas (10%)

Para superar a parte práctica será necesario obter unha puntuación mínima de 4 en cada un destes bloques.

En caso de que a cualificación final sexa igual ou superior a 5, pero algunha das partes estea suspensa, a cualificación final será de 4.

O alumno poderá elixir o sistema de avaliación que lle será aplicado na materia. Para iso debe optar, nos primeiros 15 días do cuadrimestre, entre avaliación continua (probas e actividades desenvolvidas ao longo do cuadrimestre) ou un Exame Final único (100% da nota final). Para tal fin, habilitarase un contrato que deberá ser asinado por todo aquel alumno que desexe seguir un método de avaliación continua. Se algún alumno non asina este contrato enténdese que opta por un exame final único e renuncia á avaliación continua.

Na segunda oportunidade (Xullo) realizarase unha proba final que englobará todo o visto ao longo do cuadrimestre. A esta proba final, os alumnos que optaron por avaliación continua, só acudirán con aqueles bloques suspensos.

Na convocatoria de Fin de Carreira realizarase unha proba final que englobará todo o visto na materia.

As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Facultade para o curso 2016-17