- Para a edición de xuño de 2019 haberá dúas formas de avaliación: Opción A: O estudante pode acollerse ao sistema de avaliación continua que se acaba de expoñer. Entenderase que o alumno se acolle a este sistema de avaliación continua cando se presente a probas que en conxunto representen máis do 50% na nota final. Anunciarase a principio de curso un cronograma donde aparecen as datas das distintas probas de avaliación continua. Os alumnos que se acollan ao sistema de avaliación continua terán a
obriga de colocar unha fotografía tipo carné en Faitic antes da primeira
proba de avaliación e de acceder regularmente á plataforma de
teledocencia para estar así ao corrente das novedades que se produzan. Opción B: O estudante que non se acolla o sistema de avaliación continua será avaliado mediante a realización dun examen final de carácter escrito na data oficialmente establecida coas seguintes ponderacións: proba de preguntas obxectivas (40%), proba de resolución de exercicios (40%) e exame do libro de lectura (20%). - Para a edición de xullo de 2019 haberá tamén dúas formas de avaliación: Opción A: Os estudantes que se acolleran ao sistema de avaliación continua poderán conservar as notas dos tres tipos de probas realizadas. Poderán subir nota nas seguintes partes: Proba de preguntas obxectivas (40%), Proba de resolución de exercicios (40%) e/ou exame do libro (20%). -Opción B: Os alumnos que non se acolleran ao sistema de avaliación continua terán dereito a un exame final que abarcará unha proba tipo test (40%), unha proba de resolución de exercicios (40%) e un exame do libro de lectura (20%). Fin de carreira: O alumno que opte por examinarse en fin de carreira será avaliado
únicamente cun exame teórico-práctico que valerá o 100% da nota. As datas e horarios das probas de avaliación das diferentes edicións son as especificadas no calendario de probas de avaliación aprobado pola Xunta de Facultade de Dereito para o curso 2018-19. En caso de conflito, prevalecerán as datas publicadas na páxina web da Facultade de Dereito. É necesario traer o DNI ou documento análogo cando teña lugar a
realización dos exames. O incumprimento deste requisito pode ter como
consecuencia que o alumno non realice o exame en cuestión. |