Para os alumnos asistentes á primeira avaliación das actas.-

Todos os alumnos han de facer un exame final no que se lle formularán, en relación cos contidos da materia, preguntas de resposta curta. A cualificación das respostas curtas suporá un 80% da cualificación do exame.

Os alumnos que se acollan á avaliación continua, serán avaliados e cualificados das prácticas realizadas nas clases prácticas. A asistencia e a elaboración de casos, así como a participación na resolución dos casos na aula serán o obxecto desa avaliación.

Os alumnos poderán renunciar á avaliación continua e á súa cualificación e acudir á parte práctica do exame, en igualdade de condicións cos que non se acolleron á avaliación continua.

O alumno que non se acolla á avaliación continua terá que resolver ademais do exame final (nas mesmas condicións que os alumnos de avaliación continua) un suposto práctico sobre a materia, que será obxecto de avaliación podendo obter unha cualificación de ata o 20% restante.

Os alumnos non asistentes á primeira edición das actas.-

Os alumnos non asistentes ao exame final non terán cualificación nesta primeira edición das actas (salvo que expresen o contrario), conservándoselles a cualificación das prácticas para a segunda edición das actas.

Os alumnos asistentes á segunda edición das actas.-

Na segunda edición, o alumno que se acolla á avaliación continua ha de realizar unha proba de resposta curta, manténdose a cualificación da práctica efectuada durante o cuadrimestre. O alumno que non se acolla á avaliación continua será avaliado e cualificado da mesma maneira que queda expresada para a primeira edición das actas.

O exame de fin de carreira levará a cabo da mesma maneira que o do alumno que non se acolla á avaliación continua.

Os exames celebraranse segundo o calendario aprobado pola Xunta de Facultade para o curso 2018-2019