Guia docente 2017_18 Facultade de Dereito

Avaliación

	Descrición	Cualificación	Resultados de Formación e Aprendizaxe
Seminario	Avaliarase a capacidade das/vos estudantes para resolver casos prácticos, debater, expor e, en xeral, a súa participación activa. A mera asistencia non se valora. Resultado de aprendizaxe: Alcanzar unha visión e comprensión do conxunto dos mecanismos e institucións da parte xeral do Dereito Administrativo, manexar con soltura o sistema de fontes da materia obxecto de estudo e resolver problemas xurídicos relacionados coa materia obxecto de estudo.	40	A1 A3 A4	B3 B4	C15 C16	D1 D3 D5
Lección maxistral	Avaliarase a capacidade das/dos estudantes para responder oralmente PREGUNTAS E PROBAS OBXECTIVAS orais que o profesor vaia suscitando ao longo da súa exposición. A mera asistencia non se valora. Resultado de aprendizaxe: Alcanzar unha visión e comprensión do conxunto dos mecanismos e institucións da parte xeral do Dereito Administrativo, manexar con soltura o sistema de fontes da materia obxecto de estudo e resolver problemas xurídicos relacionados coa materia obxecto de estudo.	10	A1 A3 A4	B3 B4	C15 C16	D1 D3 D5
Probas de resposta curta	O estudante terá que responder varias preguntas (de corte teórico e/ou práctico), podendo utilizar textos legais. Resultado de aprendizaxe: Alcanzar unha visión e comprensión do conxunto dos mecanismos e institucións da parte xeral do Dereito Administrativo, manexar con soltura o sistema de fontes da materia obxecto de estudo e resolver problemas xurídicos relacionados coa materia obxecto de estudo.	50	A1 A3 A4	B3 B4		D1 D3 D5

Outros comentarios sobre a Avaliación
1. AVALIACIÓN CONTINUA O 50% da cualificación deriva dunha proba final e o 50% restante deriva da avaliación continua ao longo do cuadrimestre, cos seguintes mecanismos correctores en función do resultado do exame (proba) final: - de 0,0 a 3,4 puntos no exame final: o 100% da cualificación final será a nota do exame. - de 3,5 a 4,9 puntos no exame final: a cualificación será a media entre o exame e a avaliación continua, pero o resultado nunca poderá ser superior a "aprobado" (6,9 puntos). - de 5,0 a 6,9 puntos no exame final: a cualificación será a media entre o exame e a avaliación continua. - de 7,0 a 10 puntos no exame final: a cualificación será a media entre o exame e a avaliación continua sempre que tal media sirva para que o estudante mellore a cualificación do exame, de non ser así (e en beneficio do estudante) computarase só a nota do exame. A avaliación continua deriva dunha valoración de conxunto do traballo desenvolvido pola/o estudante ao longo do curso. A título orientativo, valorarase nun 10% o traballo nos grupos A, e nun 40% do traballo nos grupos B [incluíndo aquí, de acordo cos contidos da memoria, resolución de casos prácticos (30%) + exposición e debate (10%)]. A presenza física dun estudante en clase non é mérito algún. O mero feito de asistir a clase non é unha actividade que reflicta ningunha actitude nin aptitude do alumno nin favorable nin desfavorable en termos académicos ou intelectuais, nin achega absolutamente ningún dato relevante que sirva para avaliar nin competencias nin habilidades nin o coñecemento e madurez alcanzado respecto dos contidos da materia -que é do que se trata, en definitiva-.&nbsp;En consecuencia, asistir a clase por si só NON SE VALORA. O que si se valora na avaliación continua é a asistencia activa (asistencia + participación). Valorarase positivamente a disposición voluntaria dos alumnos para efectuar lecturas ou traballos complementarios titorizados polo profesor. Para poder acceder á avaliación continua será requisito necesario que a/o estudante incorpore a súa fotografía á ficha correspondente na plataforma TEMA. A cualificación dos alumnos que (por circunstancias persoais, laborais ou académicas) non participen na avaliación continua, derivará nun 100% do exame final. EXAME- Primeira opción - maio* O exame consistirá nun número limitado de cuestións de resposta escrita e curta. Poderanse utilizar textos legais de acordo coas instrucións que facilite o profesor. Queda prohibido o uso de calquera tipo de dispositivo eléctrico ou electrónico durante o exame. POSIBILIDADE DE EXAME ORAL: Os alumnos que o soliciten graciablemente coa suficiente antelación, sempre que o profesorado teña dispoñibilidade, poderán realizar un exame oral nunha data ou hora distinta (pero próxima) á da convocatoria oficial de exame. Tal data será previamente fixada polo profesor e será a mesma para todos os solicitantes. A solicitude deberá ser por escrito e incluír renuncia expresa ao dereito a presentarse ao exame na data fixada oficialmente. No exame oral tamén se poden usar textos legais. - Segunda opción - xullo Exactamente igual que na primeira opción. - Fin de carreira A avaliación de fin de carreira dependerá nun 100% da nota do exame (que será do mesmo tipo que o estandarizado en maio e xullo) - Outros aspectos As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Facultade ART. 13.2.d do ESTATUTO DO ESTUDANTE UNIVERSITARIO: O art. 13.2.d do Estatuto do Estudante Universitario (aprobado por R.D. 1791/2010, de 30 de decembro) establece como deber de todos os estudantes: "Absterse da utilización ou cooperación en procedementos fraudulentos nas probas de avaliación, nos traballos que se realicen ou en documentos oficiais da universidade". Se o profesor constatase en calquera momento a infracción de tal deber (copiar nun exame; plaxiar todo o parte dun traballo de libros, revistas, páxinas web etc.; presentar como propios traballos total ou parcialmente alleos; etc.), o alumno suspenderá ese curso a materia cun 0, e o profesor porá por escrito e a través de rexistro oficial os feitos en coñecemento do Decanato da Facultade.