SISTEMAS DE AVALIACIÓN
Os estudantes poderán optar por un sistema de avaliación continua ou por un sistema de avaliación non continua. Os que se acollan ao primeiro terán a consideración de "asistentes"; os que elixan o segundo, a de "non asistentes". A opción por un sistema ou outro é libre. Quen desexen seguir o de avaliación continua deberán manifestalo durante as dúas primeiras semanas de clase, apuntándose nunha lista e entregando a ficha en papel. Poderá renunciarse á opción en calquera momento. 1ª EDICIÓN DAS ACTAS A) ASISTENTES. Durante o período de clases, deberán entregar puntualmente os exercicios prácticos que se esixan. Da cualificación do conxunto dos mesmos resultará o trinta por cento da nota final. O setenta por cento restante obterase dun exame teórico formado por unha serie de preguntas directas sobre o contido da asignatura. B) NON ASISTENTES. A nota obterase nun só exame, composto de dúas partes. A primeira constará dunha serie de preguntas de carácter teórico e computará un setenta por cento da cualificación. A segunda suscitará un ou varios supostos prácticos e computará o trinta por cento restante.
2ª EDICIÓN DAS ACTAS A) ASISTENTES. Gardarase a nota obtida por avaliación continua, así como o seu peso na cualificación final. O setenta por cento restante obterase dun exame formado por unha serie de preguntas sobre o contido da asignatura.
B) NON ASISTENTES. Deberán realizar un exame composto dunha parte teórica e outra práctica. A primeira consistirá nunha serie de preguntas directas sobre o contido da asignatura e computará o setenta por cento da nota final. A segunda, nun ou varios exercicios prácticos e contará o trinta por cento restante.
FIN DE CARREIRA TODOS os estudantes deberán realizar un só exame de estrutura idéntica á prevista nos apartados anteriores para os NON ASISTENTES.
DATAS DAS PROBAS DE AVALIACIÓN As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Facultade para o curso 2018/2019. |