Guia docente 2013_14 Facultade de Belas Artes

Avaliación

	Descrición	Cualificación
Presentacións/exposicións	Valoraranse os seguintes factores: A correcta explicación verbal do traballo realizado no tempo indicado. A calidade do discurso e o atractivo formal da presentación. O uso correcto dos medios técnicos empregados. A autoavaliación do traballo e as respostas ás preguntas formuladas na exposición polos alumnos e a profesora.	10%
Debates	Avaliarase a participación activa do alumno no debate, a interpretación e a análise critica das ideas expostas.	5%
Traballos tutelados	Valórase a adecuación da obra ao exercicio formulado e á materia, desde o campo do escultórico. No proxecto valóranse os seguintes factores: A elección do método de traballo adecuado. A posibilidade de apertura a novos proxectos e outras vías de traballo. A súa evolución correcta. Na obra valóranse: O risco da proposta; a súa orixinalidade e novidade; a súa contemporaneidade; a resolución técnica e o uso correcto dos materiais empregados. A adecuación sintáctico-semántica, a súa exposición no espazo e a correcta interpretación do contexto.	70
Titoría en grupo	Avaliarase a participación activa do alumno na análise conceptual e formal do seu propio proxecto e no dos seus compañeiros, así como as achegas de posibles solucións prácticas aos problemas que presenten a resolución dos proxectos expostos.	10
Actividades introdutorias	Avaliarase a participación activa do alumno na actividade proposta, o interese das ideas que expoña, a súa orixinalidade e a súa pertinencia respecto ao exercicio proposto.	5%

Outros comentarios sobre a Avaliación
-PROBA DE AVALIACION DO CUADRIMESTRE: Grupo P-1 Mércores 15 de xaneiro ás 19:30 Grupo P-2 Luns 13 de xaneiro ás 8:30 -PROBA DE AVALIACIÓN CONVOCATORIA EXTRAORDINARIA DE XULLO: 4 XULLO ás 10:00 h Na segunda convocatoria se presentarán os traballos tanto teóricos como prácticos que non se aprobaron ou que non foron presentados na primeira. Os traballos presentados na 2º convocatoria tamén han de ser titorizados. -PROBA DE AVALIACIÓN CONVOCATORIA EXTRAORDINARIA FIN DE CARREIRA: Os alumnos teñen dúas opcións: 1º presentarán os traballos que correspondan ao ano en que cursaron a materia ou 2º os do ano en curso.