Guia docente 2014_15 Facultade de Belas Artes

Avaliación

	Descrición	Cualificación
Traballos de aula	O método de avaliación no relativo aos traballos realizados na aula realizarase baixo un labor de seguimento persoal do proceso de desenvolvemento dos exercicios, en base aos seguintes criterios: - O interese estético e funcional dos proxectos realizados. - A comprensión e utilización correcta dos procesos técnicos e informáticos. - A coherencia de todos os exercicios do alumno. - A correcta realización dos proxectos e probas requiridos na aula nos prazos estipulados. Será obrigatorio a realización de entregas parciais dos exercicios co obxectivo de realizar un seguimento do traballo por parte do profesor.	30
Resolución de problemas e/ou exercicios	A resolución de problemas e exercicios expostos na aula será fundamental para a realización do seguimento persoal e evolución dos traballos e proxectos dos alumnos. O alumno deberá obrigatoriamente e periodicamente asistir a estas clases de resolución de problemas e exercicios, de maneira que o profesor poida ter constancia da súa evolución e, en base a ela, realizar a avaliación pertinente deste aspecto.	15
Saídas de estudo/prácticas de campo	Será obrigatoria a asistencia a cada un dos talleres planificados no desenvolvemento do cuadrimestre.	7
Estudo de casos/análises de situacións	Valorarase a opinión e capacidade crítica en base á ampliación de coñecementos.	8
Traballos e proxectos	O método de avaliación dos proxectos finais presentados por cada alumno rexerase en base aos seguintes criterios: - O interese estético e funcional dos proxectos realizados. O alumno terá a opción de establecer un debate dentro do grupo da clase en defensa da valoración do seu traballo. En caso contrario, o profesor valorará este aspecto unilateralmente. - A coherencia de todos os proxectos do alumno. - A metodoloxía e planificación do traballo. - Traballo de reflexión e estudo previo ao proceso de elaboración dun proxecto. - A correcta realización destes proxectos requiridos na materia nos prazos estipulados. - A correcta elaboración formal (dixital e de impresión) e a súa presentación.	40

Outros comentarios sobre a Avaliación
7. SISTEMA DE AVALIACIÓN 7.1. CRITERIOS DE AVALIACIÓN O método de avaliación da materia , realizarase de forma continua baixo un labor de seguimento na aula do proceso de desenvolvemento dos traballos persoais presentados por cada a alumno, e réxese en base ao seguintes criterios: 7.1.1. Criterios xerais de avaliación O interese artístico e funcional dos traballos de deseño realizados. O alumno terá a opción de establecer un debate dentro do grupo da clase en defensa da valoración do seu traballo. En caso contrario o profesor valorará este aspecto unilateralmente. A comprensión e utilización correcta dos procesos técnicos e informáticos. A capacidade de experimentación e a curiosidade investigadora do alumno. A coherencia ou incoherencia de todos os exercicios do alumno. A metodoloxía e planificación do traballo. Traballo de reflexión e estudo previo ao proceso da elaboración dun deseño. A asistencia a clase e adecuada actitude e interese na aula A correcta realización dos traballos e probas requiridos na materia nos prazos estipulados. 7.1.2. Criterios de avaliación da materia. Práctica. A coherencia formal, estética e conceptual dos elementos utilizados no exercicio e a súa adecuación á proposta. A xerarquía visual e composición. A correcta elaboración formal (dixital e de impresión) e a súa boa presentación. A creatividade e orixinalidade na formulación do exercicio dentro da especificidade e as pautas do proxecto así como interrelaciónelas coas propostas do Deseño Contemporáneo. Teórica A ampliación dos coñecementos impartidos en clase. Comprensión en profundidade dos conceptos que se explicaron e a consecuente claridade de expresión dos mesmos. Capacidade de análise e de relación entre diferentes contidos. Uso correcto da terminoloxía e das citas. Orixinalidade e rigor na formulación do tema. Boa presentación dos exercicios e traballos propostos. Á hora de avaliar, diferenciásense claramente, os contidos mínimos cuxa superación supoña o aprobar a materia e dos que sirvan para establecer puntuacións máis elevadas. Non se recollerá ningún traballo e por conseguinte non será avaliado, aqueles alumnos(as) que non entregasen previamente a ficha da materia cunha foto recente. 7.2. Convocatoria ordinaria de Decembro Para a avaliación do curso académico na convocatoria de Decembro e así aprobar por curso, o profesorado esixirá a presentación mínima dunha serie de entregas-correccións do traballo do curso ao longo do cuadrimestre e que o alumno deberá superar cunha cualificación mínima de “suficiente” nas datas estipuladas. Estas entregas-correccións completaranse coa entrega final do Proxecto Persoal Global. Será necesario realizar polo menos o 80% desas entregas para poder ser avaliado. 7.3. Convocatoria extraordinaria de Xullo: 3 XULLO 2015, 10:00 Cando o alumno(a) non alcance o nivel esixido ou non se presente ás convocatorias normais de avaliación do curso, articúlase un sistema de “probas de recuperación”. Ademais o alumno(a) disporá da convocatoria extraordinaria de Xullo. O alumno(a) estará obrigado a entrégalas-correccións do traballo(s) proposto(s) polos profesores durante o curso académico. Ademais da devandita entrega, os profesores resérvanse a opción de realizar unha proba teórica e outra práctica en caso de consideralo necesario, consistindo: - Proba de carácter teórico, baseado nos contidos específicos da programación. Só no caso que o alumno supere este exercicio pasará a realizar a seguinte proba de carácter práctico. - Proba de carácter practico, consistente na realización dun traballo baseado nas prácticas desenvolvidas durante o curso. Para aprobar a materia a través do sistema de “probas de recuperación”, é imprescindible superar as dúas partes que forman esta convocatoria: - Entrega dos exercicios - Proba teórico-práctica.