OUTRAS VIAS: En caso de ausencia forzosa do docente, as tarefas e contidos poderán ser abordados por vía Telemática.
AVALIACIÓN: Posto que a materia ten dúas partes diferenciadas, a avaliación terá unha parte centrada na didáctica e outra na lingua. A avaliación será continua. Por tanto a asistencia ás exposicións é moi importante xa que haberá que avaliar o traballo dos compañeiros. Durante o cuadrimestre os alumnos deberán ler os contos de lectura obrigatoria e ver a película que se recomenda na bibliografía.
O uso de tradutores automáticos está totalmente prohibido. A súa utilización suporá a perda da opción á avaliación continua, tendo que presentarse á avaliación da segunda convocatoria.
Calquera situación extraordinaria comunicarase ao profesorado para a súa consideración.
SEGUNDA CONVOCATORIA: Se o alumnado non pode cumprir os requisitos da avaliación continua ou se non acadara os puntos necesarios para superar a materia durante a evalución continua, poderá presentarse á segunda convocatoria. Neste caso será avaliado cun único exame en inglés con probas escritas e orais (70+30). A proba escrita estará relacionada cos contidos do programa, e de aprobar a escrita, farase unha proba oral, na que o estudante deberá conversar sobre a película obrigatoria e os contos obligatorios. A data do exame escrito será a da data oficial fixada polo centro para a segunda convocatoria (feduc.webs.uvigo.es). As datas dos exames orais acordaranse segundo as dispoñibilidades de horarios do centro e do alumnado que aprobase o exame escrito.
|
