Existen dous sistemas de avaliación. A elección dun sistema exclúe ao outro.

Para poder acollerse ao sistema de avaliación continua é necesario asistir ao 80% das horas presenciais con aproveitamento e participación. No caso de non acadar este mínimo, a cualificación máxima a que poderá aspirar é 8 puntos sobre 10.

Os alumnos que se acollan á avaliación continua se lles computará un 50% da cualificación final con traballos e probas do curso, e un 50% cunha proba final.

A nota final calculárase como media ponderada das diferentes partes, debendo obter un mínimo dun 30% da puntuación máxima en calquera delas; no caso de non acadar o 30% nalgunha das partes, a nota final será como máximo do 45%.

No primeiro 50% anteriormente citado, valorarase a participación nas actividades de clase, realización de exercicios prácticos, preparación e entrega de traballos para completar a unidade didáctica abordada, exposicións orais e outros traballos. Os traballos solicitados deberán entregarse ou presentarse nos prazos e datas marcados. Os traballos non realizados e entregados en prazo computaranse cunha cualificación de 0,0 puntos.

A avaliación única (avaliación non continua) consistirá nunha proba global final que se realizará na mesma data que a proba oficial do alumnado que se acolla á avaliacion continua. Consistirá nunha proba escrita (50%) e unha exposición oral (50%). A exposición oral terá lugar a continuación da proba escrita. Igualmente, para superar a materia, deberá acadarse un mínimo do 30% da nota máxima de cada unha das partes, quedando noutro caso a nota final nun máximo 45 %.

No caso de non superar a materia na convocatoria de decembro, na convocatoria de xullo considerarase, para cada una das partes, a nota máis alta das acadadas nas dúas oportunidades.

Compromiso ético: espérase que o alumno presente un comportamento ético adecuado. En caso de detectar un comportamento non ético (copia, plagio, utilización de aparellos electrónicos non autorizados, por exemplo). Considerarase que o alumno non reúne os requisitos necesarios para superar a materia. Nese caso a cualificación global será de suspenso (0,0).