Traballos tutelados |
O traballo fin de grao realizarase baixo a supervisión e dirección dun profesor que exercerá as funcións de titor.
A titorización consistirá en supervisar e orientar o estudante na temática, metodoloxía, elaboracion, presentación e calquera outro aspecto académico relativo ao traballo fin de grao, así como facilitar a súa xestión, dinamizar e facilitar todo o proceso ata a presentación e defensa do traballo fin de grao.
As normas relativas a titorización do traballo fin de grao están recollidas na Normativa de Traballo Fin de Grao en Bioloxía.
|
Presentacións/exposicións |
O alumno deberá recoller o traballo fin de grao nunha memoria que deberá entregar en tempo e forma a Comisión de Traballo Fin de Grao, a cal a porá a disposicion do Tribunal avaliador da materia.
O alumno deberá facer unha exposición e defensa do traballo fin de grao diante do tribunal avaliador que avaliará e cualificará o traballo.
As normas polas que se rexirá a presentacion da memoria e a exposición do traballo diante do tribunal serán fixadas coa suficiente antelación pola Comisión de Traballo Fin de Grao, dacordo coa normativa aprobada para este tipo de traballos na Facultade de Bioloxía. |