Tribunal
da avaliación do Traballo Fin de Grao:

Estará constituído por tres profesores da
titulación e será nomeado a proposta da Comisión de Traballo Fin de Grao.
Constituiranse tantos tribunais como fose necesario, cos correspondentes
membros suplentes, para garantir o bo discorrer do proceso avaliador.

Memoria de Traballo Fin de Grao:

Coa antelación suficiente, a Comisión de
Traballo Fin de Grao establecerá os prazos de entrega da solicitude para a
presentación e defensa, así como da memoria do traballo fin de grao. A non
entrega da mesma nos prazos establecidos levará a non presentación a avaliación
da materia. Os alumnos/as disporán dunha normativa para a elaboración e
presentación da memoria de TFG. A normativa do curso 2016-17, que sirve de
referencia para o curso 2017-18, pode consultarse na seguinte ligazón web: http://bioloxia.uvigo.es/docs/docencia/grado/tfg/normas_elaboracion_memoria_TFG_16-17.pdf

Presentación
e defensa do Traballo Fin de Grao:

O tribunal avaliador da proba publicará coa
suficiente antelación os criterios de avaliación, orden de exposición, lugar e
hora de celebración, quedando a disposición de todos os interesados.

Cualificacións:

Ao finalizar o proceso avaliador, o tribunal
publicará de forma conxunta as cualificacións que recibiron os alumnos
matriculados na materia. Si un alumno obtivese unha cualificación de suspenso,
o tribunal avaliador entregaralle a el e o seu titor un informe recollendo as
recomendacións para mellorar o traballo cara a súa posterior avaliación noutra
oportunidade. En particular se fará fincapé si a nota negativa obtida polo
alumno pode ser recuperada nunha segunda oportunidade do mesmo curso ou si,
polo contrario, o alumno debe realizar a totalidade do traballo noutro curso
académico. As actas do TFG serán individuais por cada alumno/a e irán firmadas
polos membros do tribunal que o avaliou.

Segunda convocatoria (xullo):

O/a alumno/a poderá recuperar nunha segunda
oportunidade no mesmo curso aqueles aspectos que non superou na primeira,
sempre e cando o informe que obtivo do tribunal nesa primeira oportunidade así
o especifique.

A Comisión de Traballo Fin de Grado
establecerá e fará públicos coa antelación suficiente os prazos que rexerán o
proceso de avaliación na segunda oportunidade do curso, incluíndo os prazos de
entrega da solicitude de defensa, da memoria e do informe do titor, incluíndo a
data, lugar e hora de celebración do acto de presentación e defensa do traballo
diante do tribunal.

Horario da materia:

Debido as súas características, o traballo
fin de grao non ten un horario establecido; cada alumno establecerá o seu
horario de acordo co titor, normalmente ao longo do segundo cuadrimestre.

Datas previstas para as probas de avaliación
dos TFGs para o curso 2017-18:

As datas foron aprobadas en Xunta de
Facultade. Ver ligazón: http://bioloxia.uvigo.es/docs/docencia/examenes/exames_grado_2017-18.pdf

Normativas aplicables:

O Regulamento do Traballo Fin de Grao da Universidade
de Vigo, aprobado no Consello de Goberno está dispoñible en: http://www.uvigo.gal/opencms/export/sites/uvigo/uvigo_gl/DOCUMENTOS/alumnado/TFGNovo_Def_Uvigo.pdf

A Normativa da Facultade de Bioloxía para
a realización do Traballo Fin de Grao, aprobada en Xunta de Facultade está dispoñible
en:

 http://bioloxia.uvigo.es/docs/docencia/grado/tfg/normativa_TFG_facultad_biologia.pdf

A Instrución relativa ao procedemento a seguir
para a reclamación e revisión de cualificacións da materia Traballo Fin de
Grao está dispoñible en:

 http://bioloxia.uvigo.es/docs/docencia/grado/tfg/instrucion_reclamacions_TFG_2016-17.pdf