Secretaría Uvigo

Con motivo da celebración do Día de Europa e no marco da nosa Semana Internacional durante a que recibiremos a persoal de diferentes institucións socias de todo o mundo, a vicerreitoría de Internacionalización celebrará o vindeiro mércores día 8 de maio unha mesa redonda sobre as alianzas de Universidades Europeas: "HARMONISING HIGHER EDUCATION: INSIGHTS INTO EUROPEAN UNIVERSITIES (EUI)". 

 

O evento terá lugar na sala I do Edificio Miralles de 9.30 a 11.30 e será en inglés.  Contaremos coa presenza da vicerreitora de Internacionalización, Maribel del Pozo, e  Konstantinos Petridis, da Hellenic Mediterranean University (Grecia), universidade da Alianza ATHENA á que pertence a UVigo, xunto con outras 9 institucións de educación superior europeas. Tamén nos acompañará Andrés Lois, representante do alumnado participante en ATHENA, e Meritxell Chaves, en representación da Alianza CHARM-EU e  do grupo de universidades españolas participantes na Iniciativa de Universidades Europeas.   

 

Animamos a toda a comunidade universitaria a participar neste evento no que teremos unha boa oportunidade para tratar o impacto que supón a pertenza a unha alianza europea como ATHENA para a nosa comunidade universitaria-

 

Pregamos rexistro previo a través desta ligazón. 

 

 

Para máis información e consultas: athena-office@uvigo.gal