Secretaría Uvigo

.:: Portal de avisos da Universidade de Vigo ::.

A Área de Emprego e Emprendemento da Uvigo organiza unha Feira Virtual de Emprego: a FINDE.U

Área de Emprego e Emprendemento

26-05-2016 ata: 03-06-2016

A Feira Virtual, realizada en colaboración coa Rede EURES do 30 de maio ao 3 de xuño, configúrase como unha plataforma innovadora e interactiva na que as empresas e entidades poderán realizar os seus procesos de selección de persoal da mesma maneira en que o farían nunha feira de emprego tradicional, aproveitando ademais todas as vantaxes que aporta un evento on-line, con carácter internacional, vinculado a todos os sectores de actividade económico-empresarial.

Nesta Feira Virtual, os candidatos e candidatas ás ofertas de traballo e prácticas poderán:

−  Contactar con empresas e organizacións de diversos países.

−  Efectuar a súa candidatura a múltiples ofertas de emprego e de prácticas ao longo dunha semana

− Asistir en directo ás presentacións de temas relacionados con emprego e os seus respectivos ámbitos profesionais, charlas motivacionales e seminarios sobre habilidades de xestión e de desenvolvemento persoal, programas e oportunidades de emprego e de prácticas nacionais e internacionais, sesións sobre emprendimiento e presentacións de empresas que posibilitarán a formalización online de preguntas aos relatores.

− Participar en chats con empresas e organizacións e dispor da posibilidade de realizar unha entrevista online para unha oferta de traballo ou práctica.

As persoas candidatas poderán participar nesta Feira Virtual desde casa ou desde calquera outro lugar. Soamente será preciso dispor de conexión a Internet. A Universidade do Porto, a UTAD e a Universidade de Vigo porán, ademais, a disposición nas súas instalacións de salas equipadas con computadores (salas designadas como FINDE.U VIRTUAL), para que estudantes e persoas con titulación universitaria non dependan do seu propio material.

Ademais desta participación online, poderán asistir presencialmente os días 30 e 31 de maio ás sesións que se celebrarán nas salas da Reitoria da Universidade do Porto, UTAD e Edificio Miralles da Universidade de Vigo sobre temas como a procura de emprego en Europa (mediante EURES), as posibilidades de emprego científico para investigadores (mediante EURAXESS) ou como crear un perfil LinkedIn, entre outros.

O programa presencial da Universidade de Vigo na Sala I Miralles podese consultar aquí.

O programa da FEIRA VIRTUAL poderase consultar aquí:

Distribuirase unha guía das empresas participantes de forma online.

INSCRÍBETE aquí e gratuíta.