Guia docente 2010_11 Facultade de CC. Sociais e da Comunicación

Grao en Comunicación Audiovisual

Materias

Lingua: Lingua galega

Avaliación

Descrición

Cualificación

Seminarios

Valorarase o traballo previo do grupo de estudantes encargados de preparar o tema do seminario; a claridade e orixinalidade da presentación e a participación activa do resto da clase despois da exposición, en particular as preguntas, suxestións e comentarios que se fagan.

Debates

Valorarase a presentación das posturas, a exposición dos puntos de vista e a calidade dos argumentos.

Resolución de problemas e/ou exercicios

O profesor especificará as actividades prácticas que son avaliables. Ao longo do curso iranse valorando, ademais dos informes sobre os traballos tutelados que se vaian entregando, as actividades escritas (exercicios e pequenos traballos) que se fagan.

Traballos e proxectos

Valorarase o proceso a través do seu seguimento. Na avaliación do resultado final da investigación terase en conta a forma e presentación externa (grafismo, ilustracións), a organización, as fontes e referencias usadas, a calidade dos argumentos e o coidado da lingua.

Probas prácticas, de execución de tarefas reais e/ou simuladas.

Realizarase unha proba na que o estudante deberá identificar e corrixir erros lingüísticos en textos escritos e orais ao final do cuadrimestre.

Outros comentarios sobre a Avaliación

Avaliación continua a través do seguimento das
lecturas, titorías e traballos realizados ao longo do curso.

Avaliación global do proceso de aprendizaxe e
adquisición de competencias e coñecementos a través de probas presenciais.

Avaliación baseada na participación activa do alumno e
na entrega dos traballos e exercicios que se requiriron ao longo do curso.

A segunda convocatoria consistirá nun exame escrito e
nunha proba oral. Poderíase valorar tamén a presentación dun traballo
previamente acordado co profesor.

Cualificación numérica de 0 a 10 segundo a lexislación
vixente (RD 1125/2003).